Presidenti i Serbisë, Aleksandar Vuçiç shprehet se kërkesa e Kosovës për anëtarësim në NATO, në fakt është e SHBA-së. Ai tha se me këtë SHBA-ja dëshiron t’u bëjë presion katër anëtarëve të NATO-s që nuk e kanë njohur pavarësinë e Kosovës ta bëjnë këtë.
“Nuk është ide e re. Për herë të parë kam dëgjuar para disa muajve, kjo nuk është ide e shqiptarëve të Kosovës, kjo është ide e politikanëve të SHBA-së. Me këtë duan të shtyjnë katër anëtarë të BE-së që janë pjesë e NATOS-s të njohin pavarësinë e Kosovës” tha ai.
Vuçiçi deklaroi se Serbia do të mbrojë “integritetin territorial” të saj, ku sipas Kushtetutës së këtij vendi bën pjesë edhe Kosova, por pa sqaruar si. “Kjo është Serbia”, tha ai.
/5pyetjet.al
