Bisedimet e negociatave midis Ukrainës dhe Rusisë kanë përfunduar. Kjo është raportuar nga këshilltari i Ministrisë së Brendshme të Kievit, cituar nga Interfax.
Në tryezën ku u zhvilluan bisedimet mes delegacioneve të Ukrainës dhe Rusisë, Këshilltari i kreut të zyrës së Presidentit, Oleksiy Arestovych, deklaroi se Ukraina ka kërkuar tërheqjen e të gjithë trupave, duke përfshirë Donbass-in dhe Krimenë.
Nisja e bisedimeve
Bisedimet midis Ukrainës dhe Rusisë nisën rreth mesditës së të hënës, në kufirin me Bjellorusinë, ka thënë për agjencinë e lajmeve Interfax, këshilltari presidencial ukrainas, Mykhailo Podolyak. Më herët Ukraina deklaroi se qëllimi i diskutimit do ishte armëpushim i menjëhershëm dhe tërheqja e të gjitha forcave ruse nga Ukraina.
I pari ishte delegacioni ukrainas, i cili mbërriti në vendin e takimit, për të marrë pjesë në bisedimet me përfaqësuesit e Federatës Ruse.
Sipas një deklarate, delegacioni përfshinte, ndër të tjerë, ministrin e Mbrojtjes, Oleksiy Reznikov, këshilltarin e shefit të zyrës së Presidentit të Ukrainës, Mykhailo Podoliak, dhe zëvendësministrin e Punëve të Jashtme të Ukrainës, Mykola Tochytskyi.
Presidenti i Ukrainës, Volodymyr Zelensky, nuk ishte pjesë e delegacionit.
/5pyetjet.al
