Bjellorusia është vendi që po i jep ndihmesën më të madhe Rusisë në luftën e saj në Ukrainë, duke e lejuar të fusë një pjesë të madhe të trupave në territorin e saj, madje duke nisur nga aty edhe sulme me raketa.
Por jo vetëm kaq, Alexandër Lukashenko ka bërë të ditur se vendi i tij është gati të përfshihet në krah të Rusisë në luftë ndaj Ukrainës.
Pas kësaj situate, mësohet se Presidenti turk Rexhep Tayyip Erdogan ka telefonuar homologun e tij bjellorus. Biseda është fokusuar në situatën me Rusisë dhe Ukrainës.
Erdogan bëri me dije se Turqia do të vijojë përpjekjet për t’i dhënë luftës dhe për të rivendosur paqe.
Kujtojmë se më herët presidenti turk ka bërë me dije se vendi i tij nuk do të braktiste lidhjet me Rusinë dhe Ukrainën, ndërsa shtoi se do të kufizonte kalimin e anijeve nëpër Bosfor dhe Dardanele për të parandaluar përshkallëzimin e luftës.
