Ambasadori i SHBA-së në Izrael, Tom Nides thotë se presidenti rus Vladimir Putin është një “i çmendur” dhe thekson se mijëra njerëz mund të vriten në pushtimin rus të Ukrainës.
“Putini është një i çmendur, dhe mjerisht, fatkeqësisht, mijëra njerëz mund të vriten, qindra mijëra njerëz tashmë kanë ikur, duke krijuar një nga krizat më të mëdha të refugjatëve që Evropa ka parë ndoshta në 40 vjet, nëse jo më gjatë”, thotë Nides.
Nides thotë se pavarësisht punës së madhe të inteligjencës dhe parashikimeve gjatë javëve të fundit, “shumë prej nesh besonin se nuk do të ndodhte kurrë, se askush nuk do të ishte aq i çmendur… se ishte një bllof i madh“.
I dërguari i SHBA-së thotë se ai është takuar ballë për ballë me ambasadorin ukrainas në Izrael disa herë gjatë javës së kaluar dhe ka zhvilluar “qindra biseda me zyrtarët izraelitë” së fundmi rreth krizës.
/5pyetjet.al
