Lulzim Basha ishte sot në lagjen Picar të Vorës për të kërkuar votën e qytetarëve për kandidatin e PD-së, Ymer Marku për zgjedhjet e së dielës. “Ndryshimi nis të dielën, duhet të votoni Ymer Markun”.
Një grup banorësh të zonës u ankuan për rindërtimin. “Do të bëjmë një auditim sapo të nisim punën. Audit i bashkisë si janë shpenzuar fondet” tha Basha. “I kanë kthyer bashkitë në ushtri për punësimin e njerëzve” tha më tej ai.
Një tjetër problem ishte mungesa e energjisë. “Frigoriferi dridhet, nuk kemi drita. Erdhën, ka një muaj që bënë ndërhyrje, por nuk kemi akoma drita. Po nuk e hoqe, u dogj” tha një banor.
“O Lul Basha, ku je o burrë, o të marrsha të keqen. Do t’i shkatërrojmë” i tha një demokrat, liderit të PD-së. Në datë 6 mars do të zhvillohen zgjedhjet e pjesshme lokale në 6 bashki të vendit.
/5pyetjet.al
