Lulzim Basha ishte pasditen e sotme në Lushnje, ku zhvilloi një takim me një grup fermerësh së bashku me kandidatin për kryetar bashkie, Indrit Sefa. Dy ishin pikat që u ndal kryetari i PD-së, çmimi i naftës dhe mbështetja për fermerët.
“Para luftës në Ukrainë kishte filluar që në 2014 lufta e naftës, më e shtrenjta në Europë për vendin më të varfër. Një nga zijafetet e kësaj qeverie, është që sa herë afrojnë zgjedhjet, paratë që ju ka vjedhur ju hedh ndonjë kockë, tollona nafte në 25 shkurt.
Një thërrime të këtyre parave që u ka vjedhur ua hedh. Për t’ju mbajtur të lidhur, që pastaj t’ju vazhdojë t’ju vjedhë. Këtë bëri me shpresën që do ju gënjejë prapë. Çmimi i naftës dhe tollonat janë dy anë të së njëjtës medalje. Çmimin e ka rritur si pasojë e taksave, ndërsa me tollonat po ju hedh një kockë. Njerëzit kanë filluar të shohin të vërtetat, falë edhe denoncimeve tona” tha Basha.
/5pyetjet.al
