Deputeti demokrat, Lefter Gështenja, që është edhe anëtar i komisionit hetimor për inceneratorët përmes një deklarate për mediat përsëriti të gjitha akuzat për qeverinë dhe zyrtarët e tjerë të ministrisë së Mjedisit dhe jo vetëm, që sipas tij janë të përfshirë në “këtë aferë”.
“Sot asnjë prej inceneratorëve nuk funksionon, por janë vetëm landfille. Drejtësia duhet të tregojë se të gjithë janë të barabartë përpara ligjit. Është e përfshirë gjysma e qeverisë” tha ai për mediat.
PD i kërkon SPAK që të reagojë, ndërsa deri tani për këtë dosje është arrestuar Lefter Koka dhe janë shpallur në kërkim Klodian Zoto dhe Stela Gugallja.
/5pyetjet.al
