Shërbimi i Sigurisë së Ukrainës(SBU), pretendon se ka përgjuar një nga bisedat e policisë ruse duke folur për situatën pranë qytetit Gostmel, ku rusët po ndihen ‘të shastisur’, shkruajnë Forcat e Armatosura të Ukrainës.
Përmes një cicërime në Twitter, Forcat e Armatosura të Ukrainës shkruajnë se policët rusë janë të tmerruar nga humbjet e tyre.
“SBU përgjoi një nga bisedat e policisë ruse të trazirave duke diskutuar situatën pranë Gostomel. Ata janë të tmerruar nga humbjet e tyre dhe shpirti luftarak po shkrihet me borën e pranverës”, thuhet në njoftimin e tyre.
Sot pas raundit të dytë të bisedimeve, këshilltari i Presidencës ukrainase, Mykhailo Podolyak, ka konfirmuar një armëpushim humanitar.
“Fatkeqësisht Ukraina nuk ka ende rezultatet që i duhen. Ka vetëm vendime për organizimin e korridoreve humanitare”.
