Parlamenti ka votuar këtë të hënë projektrezolutën për mbështetjen e sovranitetit dhe tërësisë territoriale të Ukrainës me shumicë absolute.
123 deputetët e pranishëm në këtë seancë kanë votuar pro rezolutës, ndërsa nuk ka pasur asnjë votë kundër apo abstenim.
Ndërkohë, është rrëzuar amendamenti për daljen e menjëhershme nga Ballkani i Hapur i propozuar nga nënkryetari i LSI, Petrit Vasili. 43 deputetë votuan pro këtij amendamenti, ndërsa 75 vota ishin kundër.
