Kryetari i Aleancës për Ardhmërinë e Kosovës, Ramush Haradinaj, ka kritikuar kryeministrin Albin Kurti, lidhur me situatën aktuale me karburantet.
Megjithatë, Haradinaj thotë se problemi nuk qëndron vetëm te rritja e çmimeve të derivateve, por edhe atyre ushqimore.
Ndaj Haradinaj ka bërë thirrje që të votohet Projektligji i Pagave.
“Kryeministër, nuk ushqehet populli me ideologji. Situata në Kosovë ështe shumë më e komplikuar, nuk është veç punë nafte e punë akcize. Qytetari i këtij vendi po përballet me pamundësinë me siguru ekzistencën, po rriten çmimet e gjithë artikujve të jetesës, rryma, nafta, vaji, sheqeri, buka, ilaçet edhe gjithçka tjetër”, shkruan Haradinaj
