Poshtë zyrës së kryeministrit Edi Rama pasditen e sotme u zhvillua protesta e parë kundër rritjes galoponte të çmimit të karburantit, që ka arritur në 260 lekë për litër.
“Vazhdojmë nuk do të ndalemi më këtë herë” tha Adriatik Lapaj. “Ngrihuni dhe mbushni sheshet në uljen e taksave dhe përmirësimin e jetës” tha një student, që u ankua për heqjen e abonesë.
Një tjetër akuzoi ministren Belinda Balluku. “Kërkoj dorëheqjen e ministres së Energjetikës. Zgjidhja është bllokim total, bujqit, fermerët, taksixhinjtë, kudo që janë cdo shqiptar. Nesër në orën 17 do të jemi këtu prapë” tha një tjetër.
Por mesazhet e tyre, qytetarët nga Tirana dhe qytete të tjera që erdhën pas organizimit në kohë rekord në rrjetet sociale, e shprehën revoltën e tyre edhe përmes pankartave.
“Do ndjek ministren”. “Shqipëria kampion bote për çmimin e naftës”, “Do fle herët Belinda ta premtoj”, “Mos u tallni me fshatin”, “ erdha me kuaj nga Ballshi”. Këto ishin disa nga pankartat.
/5pyetjet.al
