“Kur shoh imazhet e shkatërrimit në Ukrainë, është djali im që shoh në rrezik dhe që po vuan. Unë shkoj atje si vullnetar për të bërë sado pak që kjo gjë të ndalet”.
Kështu është shprehur “Wali”, një nga snajperët me vdekjeprurës në botë, i cili tashmë ndodhet në Ukrainë për të luftuar kundër rusëve.
Vrasësi i stërvitur më parë udhëtoi në Irak vetë për të luftuar kundër ISIS-it në vitin 2015. Ai kaloi kufirin me Ukrainën sot, duke lënë pas gruan dhe djalin e tij të mitur në Kanada.
40-vjeçari u vendos dy herë në Afganistan si snajper me Forcat e Armatosura Kanadeze midis 2009 dhe 2011. Wali luftoi në të njëjtën njësi kanadeze si snajperi me vrasjen nga largësia më e madhe e konfirmuar në botë, prej 3.5 km.
Ai iu përgjigj thirrjes së presidentit të Ukrainës Volodymyr Zelenskyy të shtunën, i cili njoftoi: “Të gjithë të huajt që dëshirojnë t’i bashkohen rezistencës kundër pushtuesve rusë dhe të mbrojnë sigurinë ndërkombëtare janë të ftuar nga qeveria ukrainase të vijnë në territorin tonë për t’u bashkuar me radhët e forcave tona territoriale”.
Snajperi, i cili shkon me pseudonimin e dhënë në Afganistan “Wali”, tha se ai u kontaktua nga një mik të premten, i cili kishte organizuar “kolona neutrale” të ndihmave humanitare për disa muaj për të sjellë ushqim në rajonin e pushtuar Donbas.
Wali i tha botimit francezo-kanadez La Presse: “Ai më tha se kishin nevojë për një snajper. Është si një zjarrfikës që dëgjon alarmin. Më duhej të shkoja”.
Ai ka lënë pas gruan dhe djalin e vogël, i cili javën e ardhshme do të festojë ditëlindjen e parë pa të.
