Sekretari i përgjithshëm i PD-së, Gazment Bardhi shprehet se dorëheqja e Lulzim Bashës nuk do të zgjidhte krizën brenda partisë. Në një prononcim për mediat, ai tha se duhet reflektim dhe analizë për të dalë në konkluzione.
“Së pari e kam thënë që ditën e parë pas daljes së rezultatit të zgjedhjeve, nuk mund të dalësh në konkluzione pa reflektim dhe analizë. Cilido që del në konkluzione pa analizë nënkupton që nuk vendos të parin interesin e PD-së.
Kam zgjedhur të shprehur institucione, do të shprehem kur të mblidhet Kryesia e PD-së dhe sigurisht këto ditë i kam shfrytëzuar për analizë dhe reflektim që qëndrimet të jenë në shërbim të demokratëve.
Nëse e gjitha gjendja që ndodhet sot PD, pavarësisht se ku jemi pozicionuar, është një gjendje e ka dëmtuar dhe po e dëmton PD-në dhe për këtë arsye analiza duhet të jetë serioze, jo çështje karrigesh, por përgjegjësie në raport me PD-në dhe demokratët.
Në cdo qëndrim timin në politikë, së pari kam pasur dy parime, koherence dhe vendosjen e demokratëve të parët. Është gjëja më e thjeshtë të thuash po i iki përgjegjësisë duke i ikur karriges” tha ai.
