Ish-kryeministri i Shqipërisë Sali Berisha, u bëri thirrje qytetarëve që të vazhdojnë protestat, pasi kjo është një ndër kauzat më të mëdha dhe rëndësishme kundër çmimeve të pa përballueshme.
“Ndërgjegjja e qytetarëve është zgjuar më fuqishëm se kurrë. Protestat po marrin përmasa të mëdha. Kauza e saj dhe presioni i kësaj qeverie i ka shtyrë drejt niveleve të frikshme. Çmimet janë të pa përballueshme, të pa krahasueshme me asnjë vend tjetër. Ju kujtoj se Maqedonia e cila nuk nxjerrë asnjë litër naftë, dhe ka shumë problematika me importin, ka çmimin e naftës vetëm 1.3 euro. Ndryshe nga ne Maqedonia hoqi TVSH nga gjithë ushqimet dhe caktoi një bonus për të mbrojtur çdo qytetar. Kosova nga ana tjetër e cila nuk nxjerr asnjë ton naftë, caktoi që dje 50 milionë euro për fermerët në mënyrë që ata të mbjellin drithëra.”, u shpreh Berisha.
Pyetur në lidhje me deklaratën e Grida Dumës që nuk do të bashkohet me Berishën. Ish-kryeministri u përgjigj se respekton vendimin e kujtdo, dhe ai mund të largohet vetëm më votën e lirë.
