30 qytetarë janë arrestuar në të gjithë vendin për protestat e zhvilluara ditën e djeshme në Tiranë, Shkodër, Durrës, Mirditë, Lushnje dhe qytete të tjera për rritjen e çmimeve. 95 janë proceduar në gjendje të lirë dhe 15 janë në kërkim.
Qytetarët akuzohen për organizim dhe manifestime të paligjshme, bllokim të qarkullimit, prishje të qetësisë publike dhe mosbindje ndaj policisë. Ditën e sotme përpara drejtorisë së policisë së Tiranës një grup qytetarësh kërkuan lirimin e të arrestuarve.
“Një vajzë është brenda vetëm pse kishte sharë shefin. Ky është presion psikologjik që të largohemi nga protesta. Për ne këta janë të arrestuar politikë. Kjo është një protestë politike sepse ka të bëjë me vendimmarrje politike.
Rama kërcënon me një gjuhë dhe thotë do të bëjmë gjithçka, po dje pse ngritën “duart lart” dhe tha nuk bëjmë dot asgjë. Ai flet si sulltan dhe ne nuk duhet ta lejojmë” thanë disa nga qytetarët.
Bilanci i arrestimeve për protestat dje
Tiranë
23 të arrestuar
23 të proceduar
1 në kërkim
Elbasan
7 të proceduar
Mirditë
5 të arrestuar për bllokimin e Rrugës së Kombit
13 persona në kërkim
Lushnje
7 të proceduar për bllokimin e rrugës te “Kryqëzimi i Plugut”
Shkodër
8 të proceduar
1 në kërkim
Durrës
2 të arrestuar
50 të proceduar
