Përfaqësuesi i Lartë i BE-së për Punët e Jashtme dhe Politikën e Sigurisë Josep Borrell, do të udhëtojë në Maqedoninë e Veriut, Shqipëri, Bosnjë dhe Hercegovinë më 13-16 mars.
Ai do të udhëtojë të martën në Tiranë dhe do të takohet gjithashtu me kryeministrin Edi Rama.
Josep Borrell do të takohet edhe me përfaqësues të tjerë të autoriteteve shqiptare dhe me përfaqësues të shoqërisë civile.
Përfaqësuesi i Lartë i BE-së do të shohë edhe punimet restauruese që vijojnë tek mozaiku i Muzeut Historik Kombëtar.
Vizita do të riafirmojë përkushtimin dhe mbështetjen e BE-së për rajonin, duke pasur parasysh edhe luftën ruse kundër Ukrainës dhe ndikimin e saj në sigurinë e Evropës në tërësi.
