Andriy Shevchenko u shpreh për mediat se disa nga familjarët e tij janë ende të bllokuar në Ukrainë.
“Ka pasur shumë beteja. Nëna dhe motra ime pritën disa njerëz që u transferuan me ta sepse ishin në kushte të tmerrshme.
Në Bucha nuk ka ushqim, nuk ka energji elektrike. Atje janë shoqet e motrës sime dhe kishin pesë ditë që jetonin nën tokë në një bodrum.
Ka pasur bombardime të tmerrshme në atë zonë. Bucha dhe qytetet fqinje Irpin dhe Hostomel, i njoh mirë dhe janë shkatërruar plotësisht. Nuk ka mbetur asnjë ndërtesë. Shkoja në Bucha për t’u stërvitur kur isha lojtar i ri. Është e tmerrshme.
Korridoret humanitare u sulmuan nga ushtarë rusë. Nëse nëna dhe motra ime do të përpiqeshin të largoheshin, mendoj se do të ishte më e rrezikshme për ta” tha legjenda e futbollit.
