Thomas Tuchel u shfaq para mediave me një pamjen mjaft të relaksuar pas suksesit të fundit 1-0 ndaj Newcastle. Por situata sportive u la në plan të dytë gjatë konferencës për shtyp, sepse pyetjet u drejtuan për krizën e klubit dhe sanksionet e qeverisë britanike ndaj Abramovichit.
E ardhmja e Tuchel: “Nuk ka dyshim, unë do të qëndroj deri në fund të sezonit. Thjesht duhet të presësh dita-ditës, sepse gjithçka mund të ndryshojë. Klubi është në shitje. Ka rrethana në të cilat nuk mund të ndikojmë, por kjo na jep lirinë për t’u përqendruar në gjërat që mund të ndikojmë. Fokusi është tek ekipi i parë, lojtarët tanë. Por Chelsea është shumë më tepër se ekipi i parë. Është një klub me një traditë të madhe dhe ka qindra punonjës, nuk janë vetëm lojtarët.”
Ndryshimet në javën e fundit: “Informacioni im i fundit është se ne kemi një aeroplan dhe ne mund të shkojmë dhe të kthehemi me aeroplan.”
Mbi pronësinë e Chelsea-t: “Në një moment, ne duhet t’i besojmë procesit të ligës se kush zotëron një klub. Ne jemi punonjës të famshëm, sepse flasim para kameras, por ne jemi thjesht punonjës, kështu që duhet t’i besojmë procesit.”
Atmosferë negative për klubin: “Ne nuk jemi përgjegjës për situatën, ndaj është përgjegjësia jonë të fokusohemi në atë që bëjmë. Ka shumë njerëz që shoh çdo ditë që janë të shqetësuar. Ata kanë punuar këtu për dekada, por ata nuk janë të famshëm dhe shqetësohen për të ardhmen. Kështu që ne shohim se çfarë do të thotë për këta njerëz, edhe nëse është për 90 minuta. Ashtu si gjatë Covid-it, ne luajmë për t’u dhënë njerëzve gëzim, argëtim. Goli i Kai Havertz ishte i jashtëzakonshëm dhe ne patëm një moment të keq në fushë. Ata ishin shumë fizikë dhe ishte e vështirë për të përshpejtuar lojën në 30 metrat e fundit. Ishte e rëndësishme të mos pësonim në mënyrë që me një shans cilësor të fitonim dhe ne e bëmë këtë”.
