Aktivisti Migen Qiraxhi ka çelur sërish protestën në ditën e 7 të saj, ku ka shprehur arritjet e kryesore të tubimeve të tyre.
Po ashtu ai ka përgëzuar qetësinë që protestuesit kanë ruajtur duke mos shkaktuar asnjë dëm fizik. Qiraxhi ka treguar se ne jemi një popull që e kuptojmë dhimbjen e Ukrainës duke qenë se një gjë të tillë e kemi përjetuar edhe vetë.
Në fjalën e tij ai ka paraqitur një nga kërkesat kryesore të kësaj proteste.
“Nuk ka asnjë dyshim që ne duam që shteti të funksionoj, të formatoj ekonominë e vet, jo për disa njerëz, jo për disa biznese, por ekonomia e vendit, resurset të vihen në dispozicion të qytetarëve, institucionet të punojnë për qytetarët,” ka thënë aktivisti.
