Ndërsa Rusia bllokoi aksesin në platformat kryesore të medieve sociale të “Meta Platforms Inc”, në Facebook dhe Instagram, kërkesa nga përdoruesit e internetit për VPN, aplikacioni që ndryshon vendndodhjen, u ‘rrit në qiell’, treguan të dhënat nga një firmë monitoruese.
Aksesi në Instagram në Rusi u ndërpre nga e hëna në përgjigje të vendimit të Meta-s javën e kaluar për të lejuar përdoruesit e mediave sociale në Ukrainë të postojnë mesazhe të tilla si: “vdekje pushtuesve rusë”. Facebook ishte tashmë i ndaluar për shkak të asaj që Moska tha se ishin kufizimet në aksesin e mediave ruse atje.
Në prag të ndalimit të Instagramit, kërkesa për Rrjetet Virtuale Private (VPN) që kodojnë të dhënat dhe fshehin vendndodhjen e një përdoruesi u rrit me 2,088 për qind më e lartë se kërkesa mesatare ditore në mes të shkurtit, treguan të dhënat nga firma monitoruese Top10VPN.