Ish-kryeministri Sali Berisha akuzon qeverinë Rama se ka thyer embargon kundër Rusisë pas pushtimit të Ukrainës.
Lideri historik i së djathtës shqiptare shprehet se në portin e Durrësit është lejuar një anije me flamur rus që të shkarkojë tuba.
Por si qëndron e vërteta sipas qeverisë?
Ministria e Infrastrukturës dhe Energjisë dje përmes një njoftimi shpërndarë për mediat ka dhënë versionin e saj zyrtar lidhur me anijen me flamur rus që u ankorua në Porto Romano në kohën kur vendi ynë i është bashkuar sanksioneve kundër Moskës pas pushtimit të Ukrainës.
Ministria thotë se anija me flamur rus, por e marrë me qira nga një kompani britanike ka sjellë pajisjet e shpimit për kompaninë SHELL.
