Kriza ekonomike në vend ka ndikuar edhe tek të punësuarit në fushën e arsimit dhe te studentët, thotë eksperti i çështjeve të arsimit, Rinor Qehaja.
Qehaja thotë se te studentët mund të vërehet mungesa e tyre në ligjërata për shkak të shtrenjtimit të biletës së transportit, e po ashtu mund të ketë edhe reduktim të prezencës në konvikte.
“Kriza ekonomike patjetër që do të ketë ndikim te drejtpërdrejt tek të punësuarit në sektor, përfshire këtu mësimdhënësit dhe vetë studentet. Kjo rritje e çmimeve të shportës do te prekë drejtpërdrejt sektorin, me friken që ajo mund të bartet edhe në cilësinë e arsimit”, thotë Qehaja.
