Kryeministri Edi Rama ka zhvilluar një takim ditën e sotme me Shoqatën e Transportit Publik në lidhje me ndikimin e rritjes së çmimit të naftës.
Ai u ka kërkuar atyre që mos ta rrisin çmimin e biletës dhe se do të jepte 500 milionë lekë për të suportuar transportin.
“Dhe me një rritje të çmimit të biletës që do të ishte e padëshirueshme, prap kapaciteti juaj për të reziustuar do të ishte i dobët.
Dhe për këtë arsye ne vendosëm që të vendosim 500 milionë lekë për të suportuar diferencën dhe për tju kërkuar juve që të mos prekni në këtë fazë kaq delikate çmimin e biletës.
Problemi në këtë situatë nuk është kaq sa shofim ne dhe kaq sa duket sepse ndërkohë që ne diskutojmë çmimet, këtu rreziku me naftën apo me energjinë është mungesa”, tha Rama.
