Në 7 ditët e fundit, Lulzim Basha ka dalë vetëm njëherë në media 30 sekonda. Ishte ditën e enjte, kur gazetarët i zunë “pritë” në hyrje të selisë për t’i marrë një prononcim të shkurtër dhe prej asaj dite nuk është bërë më i “gjallë”.
Por a do të ishte gati Sali Berisha ta takonte? Ish-kryeministri u shpreh te “Kjo Javë” se Lulzim Basha duhet të japë dorëheqjen duke refuzuar një takim të mundshëm.
“Zoti Basha duhet të zbatojë kërkesën e deputetëve të tij, të grupit. Sot deputetët i kërkojnë dorëheqjen, ai duhet të mësohet, të zbatojë kërkesat pa u shtyrë më tutje.
Këta deputetë nuk përfaqësojnë vetëm partinë, por edhe elektoratin e PD-së” tha Berisha.
