Ministrja e Energjitikës Belinda Balluku në një deklaratë për mediat bëri të ditur se për të kursyer energjinë elektrike i kanë kërkuar ARRSH që të ndërpresë ndriçimin në akset automobilistike kombëtare.
“I kemi kërkuar ARRSH që të nis menjëherë nga puna për të bërë ndrëprerjet e ndriçimit në akset kombëtare.
Do të përmend disa prej tyre: aksi Tiranë-Durrës, Plepa-Kavajë-Rrogozhinë, Qafa e Kasharit-Rinas, Lin-Pogradec, Korçë-Ersekë. Do të ketë ndërprerje edhe në akset kombëtare në degëzim, siç janë Bypass i Fierit me hyrje dalje, Lezhë-Shëngjin dhe Shkodër-Hnai i Hotit.
Nuk do të prekim disa pjesë të akseve që cënojnë sigurinë rrugore. Kërkojmë mirëkuptimin tuaj për këtë”, tha Balluku.
