Një aksident i rëndë ndodhi mbrëmjen e së mërkurës në Fushë Krujë, në fshatin Derven, ku 3 automjete u përplasën me njëra-tjetrën.
Në aksident u përfshinë dy automjete tip Benz, njëri prej të cilëve me targë AA 385 TL dhe një Golf me targë AB 700 XG.
Mësohet se si pasojë e aksidentit mbetën të plagosur 3 persona, njëri prej të cilëve, i identifikuar si Dervish Allamani, mbeti i bllokuar në automjet për disa minuta.
Ata u dërguan me urgjencë në spital nga ku mësohet se ndodhen në gjendje të rëndë shëndetësore.
Njoftimi i policisë
“Në aksin rrugor Thumanë-Fushë Krujë, një automjet me drejtues shtetasin D. A., është përplasur me automjetin me drejtues ende të paidentifikuar.
Si pasojë e përplasjes është demtuar drejtuesi i automjeti D. A., i cili ndodhet në spitalin e traumës nën kujdesin e mjekëve.
Forcat e Policisë bashkë me forcat e zjarrfikses po nxjerrin 3 të lënduarit e tjerë nga automjetet.
Grupi hetimor ndodhet në vendngjarje dhe po punon për sqarimin e aksidentit”.
