Drejtuesi politik i qarkut të Dibrës, Xhelal Mziu ka folur për situatën e krijuar në PD pas largimit të Lulzim Bashës. Ai është shprehur se duhet patjetër një bashkim me dy frontet e djathta, me Foltoren dhe me PD-në zyrtare.
I pyetur nëse do të ishte problem nëse demokratët për një periudhë të caktuar kohore do të drejtoheshin nga Berisha, ai është shprehur që një periudhë e tillë do të ndodh për stabilizimin e partisë.
“Në këndvështrimin tim, ngritja e një grupi të përbashkët midis dy kaheve për tu bashkuar duhet që PD të kaloj një periudhë të shkurtër tranzicioni. Kjo periudhë duhet të jetë 3 deri në 5 muaj, deri sa të kemi një kryetar të ri,” ka shprehur Mziu, pa hedhur poshtë faktin që Berisha mund të jetë në krye të partisë.
Theksojmë që dje në mbledhjen e Kryesisë, Mziu tha se duhet bashkimi pas Foltorja po merr shumë popullaritet dhe që më pas sigla dhe vula e PD nuk do i duhet askujt.
