Pavarësisht akuzave të ngritura nga Foltorja se Gazment Bardhi ka kërcenuar gjyqtarin që do të marrë në shqyrtim paraditen e së premtes statutin e 11 dhjetorit të Komisionit të Rithemelimit, Sekretari i Përgjithshëm i PD ka komentuar sërish këtë çështje I ftuar në emisionin “Frontline”.
Nëse gjyqtari i ka thënë burgut hapu, mund të bëjë çdo lloj çmendurie, tha Bardhi.
“Gjyqtari nuk ka dosje dhe kanë caktuar një datë pasi ka takuar një përfaqësuar të Berishës. Nesër është e pamundur të shqyrtohet. Ajo çka është bërë është çmenduri. Nëse gjyqtari i ka thënë burgut hapu, mund të bëjë çdo lloj çmendurie. Prandaj me shumë gjasa nuk do të ketë një vendim”, tha Bardhi.
Të premten në orën 10:30, gjyqtari Agron Zhukri do të marrë në shqyrtim statutin e 11 dhjetorit të Komisionit të Rithemelimit.
