Ish-kryeministri Sali Berisha pas mbledhjes që zhvilloi në selinë e PD-së me Enkelejd Alibeajn dhe Gazment Bardhin doli në një konferencë për mediat nga salla kryesore në godinën e PD-së duke bërë thirrje për bashkimin e demokratëve.
“Jam sot këtu, që në emër të komisionit të rithemelimit të PD-së, të bëj thirrje demokratëve dhe demokrateve të Shqipërisë, kudo që janë t’i shtrinë dorë njëri tjetrit sot dhe të bashkohen në këtë ditë për interesin më të madh të vendit, të kombit, shoqërisë shqiptare. Sot PD është parti e të gjithë demokratëve.
Gjykata legjitimoi vendimet historike të kuvendit të 11 dhjetorit, që sjellin PD-në si parti të votës së lirë, vlerave konservatore në themel të saj, parti e orientimit euro-altantik dhe interesit kombëtar. PD kaloi një krizë për shërimin e së cilës është në detyrimin e cdo demokrati të kontribuojë” tha ai.
