Presidenti i Shteteve të Bashkuara të Amerikës, Joe Biden u shpreh sot se presidenti rus Vladimir Putin është një “kasap”.
I pyetur nga gazetarët se çfarë mendonte kur shihte refugjatët ukrainas në Poloni, Bideni u përgjigj duke thënë se “Putini është një kasap”.
“Është e pabesueshme, është e pabesueshme. Shih të gjithë ata fëmijë të vegjël. Thjesht dua t’i përqafoj” tha Biden.
Rusia ka reaguar duke u shprehur se deklarata të tilla ngushtojnë akoma më tej mundësitë për t’i rregulluar marrëdhëniet mes dy vendeve.
