Ministret e Jashtme nga 16 vende të botës, përfshirë edhe atë të Kosovës, Donika Gërvalla kanë kërkuar arsimimim e vajzave afgane.
Ato thanë se janë thellësisht të zhgënjyera që vajzave afgane u mohohet aksesi në shkollat e mesme dhe u bëri thirrje talebanëve që të anulojnë vendimin e tyre.
Sundimtarët talebanë të Afganistanit vendosën që ta ndalojnë arsimimin për vajzat mbi klasën e gjashtë.
“Si gra dhe si ministre të jashtëm, ne jemi thellësisht të zhgënjyer dhe të shqetësuara që vajzave në Afganistan po u mohohet aksesi në shkollat e mesme,” thanë ministret e jashtëm të Kosovës, Shqipërisë, Andorrës, Australisë, Belgjikës, Bosnjës, Kanadasë, Estonisë, Gjermanisë, Islandës, Malavi, Mongoli, Zelandë e Re, Suedia, Tonga dhe Britani e Madhe në një deklaratë të përbashkët.
Ato thanë se vendimi është veçanërisht shqetësues pasi kemi dëgjuar vazhdimisht angazhimet e tyre për të hapur të gjitha shkollat për të gjithë fëmijët.
“Ne u bëjmë thirrje talebanëve që të anulojnë vendimin e tyre të fundit dhe të japin akses të barabartë në të gjitha nivelet e arsimit, në të gjitha pjesët e vendit”, shtuan ata.
Në selinë e OKB-së në Nju Jork, Këshilli i Sigurimit pati një diskutim me dyer të mbyllura për këtë çështje.
