Partia Demokratike ka hyrë në një epokë të re. Komisioni i Rithemelimit i drejtuar nga Sali Berisha urdhëroi që të pastrohet cdo gjurmë e Lulzim Bashës në selinë blu.
Mbrëmjen e sotme janë hequr dyert e blinduara, veshjet e jashtme të fasadës, por gjithashtu është pastruar edhe zyra e kryetarit, ku deri pak ditë më parë ishte ulur Lulzim Basha. Zyra është boshatisur komplet. Plaçkat e fundit, që Lulzim Basha kishte lënë u larguan me një furgon.
Paraditen e sotme në seli ishin deputetët e Rithemelimit për të inspektuar nga afër përgatitjet që po bëhen. Theksojmë që në seli sot nuk ka qenë asnjë kryetari i grupit Enkelejd Alibeaj dhe as Gazment Bardhi.
