Ministri i Mbrojtjes, Armend Mehaj, ka bërë të ditur se ushtarët e FSK-së së bashku me ata amerikanë, kanë shpërndarë pako ushqimore dhe higjienike për familjet në nevojë.
Mehaj tha se ky donacion është dhuruar nga ushtria Amerikane dhe u shpërnda në disa komuna të vendit.
“Donacioni u shpërnda në disa komuna të vendit, si në Prishtinë, Mitrovicë, Fushë Kosovë, Graçanicë dhe Dragash”.
“Forca e Sigurisë së Kosovës është në shërbim të gjithë qytetarëve të vendit pa dallim të përkatësisë etnike, fetare e racore”, ka shkruar Mehaj.
