Tre persona janë raportuar të zhdukur gjatë ditës së hënë në Policinë e Kosovës.
Bëhet fjalë për një të mitur në Gjakovë, një vajzë në Gjilan dhe një burrë në Leposaviq.
Policia bën të ditur se rreth orës 14:00, një person ka raportuar se vajza e tij ka dalë nga shtëpia dhe se nuk dihet vendndodhja e saj.
“Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin e policisë.
Edhe në Gjakovë, rreth orës 21:00, një person ka raportuar se vajza e tij e mitur është larguar nga shtëpia dhe nuk është kthyer deri në momentin e raportimit.
“Rasti është duke u hetuar”, njoftoi policia.
Ndërsa, në Leposaviq, rreth orës 14:00, një grua ka raportuar se burri i saj është larguar nga shtëpia dhe nuk është kthyer më.
Edhe ky rast sipas policisë, është duke u hetuar.
