Një zjarr i fuqishëm ka përfshirë kodrat në fshatin Zgërdhesh të Krujës. Sipërfaqja e përfshirë nga flakët është mjaft e madhe dhe zjarri vijon që të përhapet pa asnjë shqetësim, pasi ndërhyrja e mjeteve zjarrfikëse është e pamundur për shkak të terrenit të thyer dhe mungesës së rrugëve.
Zjarri nuk rrezikon banesat, por sipërfaqja e djegur me pisha, shkurre e bimë të ndryshme është mbi 10 ha, deri tani. Sipas burimeve, zjarri është i qëllimshëm dhe duhet ndërhyrja nga ajri për ta shuar.
