I dërguari special i Bashkimit Evropian për dialogun Kosovë-Serbi, Miroslav Lajçak, është dakord me ish-ministrin shtetëror gjerman për Evropën, Michael Roth, i cili ka bërë thirrje që të liberalizohen vizat për kosovarët.
“Faleminderit Michael Roth. Nuk mund të pajtohesha më shumë me vlerësimin tuaj”, ishin fjalët e Lajçakut, pas thirrjes së ish-ministrit gjerman që BE-ja ta mbajë premtimin për liberalizimin e vizave për Kosovën.
Në një shkrim në Twitter, pas takimit me Lajçakun, deputeti gjerman ka thënë se Ballkani Perëndimor i takon BE-së.
“Shtetet e Ballkanit Perëndimor na takojnë dhe meritojnë më shumë se veç fjalë goje. BE-ja duhet t’i mbajë premtimet: Duke nisur nga bisedimet për pranim me Shqipërinë dhe Maqedoninë e Veriut, e liberalizimin e vizave për Kosovën”, ka thënë ai
