Ditën e sotme është mbledhur Komiteti Teknik i Ekspertëve për situatën e pandemisë në Shqipëri. Doktoreshë Najada Çomo u shpreh se në javët e fundit ka një ulje të ndjeshme të personave që paraqiten për ndihmë në spitalin Infektiv.
“Në 2 javët e fundit kemi një ulje të shtrimeve. Për herë të parë mbizotëron numri i të shëruarve krahasuar me numrin e të shtruarve. Kemi një dyfishim të numrit të pacientëve të dalë krahasuar me numrin e atyre që janë shtruar. Është minimizuar edhe numri i viktimave. Mbizotërojnë në spital numri i pacientëve që nuk janë vaksinuar” tha ajo.
