“5pyetjet.al” siguron pamjet nga vendi i ngjarjes ku u qëllua me tre plumba kreu i njësisë Administrative në Kallmet të Lezhës.
Besnik Simoni është qëlluar me armë rreth 1 km nga godina ku ndodhen zyrat e njësisë administrative.
Dyshohet se pas një konflikti verbal të nisur më parë në zyrë, autori Altin Marku i ka bërë pritë dhe e ka plagosur në rrugë.
I plagosuri është transportuar në spitalin e Traumës në Tiranë për mjekim më të specializuar.
Vijon puna për kapjen e autorit. Kjo është ngjarja e dytë që ndodh sot në Lezhë në harkun e pak minutave, pasi më herët një granatë u hodh në një lokal në qytetin e Lezhës, por fatmirësisht nuk pati të lënduar.
