Ish-kryeministri Sali Berisha u shpreh mbrëmjen e sotme se ambasadorja amerikane do të pranohet në selinë e PD-së, vetëm nëse kërkon falje për fyerjen që u bëri demokratëve.
“Tani unë jam shprehur. Dera e PD-së është e hapur për të gjithë përfaqësuesit e vendeve mike. Zonja Kim duhet t’u kërkojë ndjesë demokratëve për barin që u serviri demokratëve” tha ai te “Zonë e lirë”.
Më tej ai qetësoi të gjithë demokratët. “Nuk ka fshesë. Tani kemi misionin e dytë me rëndësi, t’u shtrijmë dorën njëri tjetrit dhe të pajtohemi”.
Berisha nuk e cilësoi kthimin e tij në parti një hap pas, por shembull për politikanë të tjerë jashtë vendit. “Papandreu në Greqi dy muaj më parë vendosi të rikthehet. Mori 3%. Ai kur pa që po kthehet Berisha tha pse të mos kthehem edhe unë”, deklaroi Berisha.
