Të shtëna me armë janë raportuar në fshatin Dumnicë të Vushtrrisë.
Gjatë një festë familjar një 56 vjeçar ka shtënë me armë, që i është sekuestruar.
“Me të marrë informacionin janë ndërmarrë veprime të shpejta policore, ku pas një kohe të shkurtër njësitet policore kanë identifikuar vendin nga ku ishin dëgjuar të shtënat. Në vendin e ngjarjes ku kishte një festë familjar në cilësi të provës materiale fillimisht është gjetur një gëzhojë, ndërsa nga personi i dyshuar është sekuestruar një armë e llojit pistoletë”.
“Në cilësi të të dyshuarit për të shtëna me armë është intervistuar: M. S., 56 vjeçar, shtetas të Republikës së Kosovës” thuhet në njoftimin e policisë.
Pas intervistimit, me urdhër të prokurorit të rastit i dyshuari është liruar në procedurë të rregullt, teksa mbi 56 vjeçarin është nisur hetimi për veprën penale ‘’Mbajtje në pronësi, kontroll ose posedim i paautorizuar i armës dhe përdorim i armës’’.
