Kryeministri i Shqipërisë, Edi Rama, ka reaguar mbi masakrën e ndodhur në Bucha të Ukrainës, ku deri tani janë raportuar 410 persona të pajetë të gjendur qoftë në rrugë të vdekur apo në varre masive, teksa dyshimet dhe akuzat e para kanë rënë mbi palën ruse.
“Imazhet e civilëve të vrarë nga Ushtria ruse në Bucha janë shokuese” shkruan Rama në Twitter. “Gjithçka duhet bërë, për të kryer një hetim të pavarur mbi krime kaq të tmerrshme”.
Ndër të tjera, sipas kryeministrit, “asgjë nuk mundet të justifikojë kaq shumë mizori”.
“Çfarë dhimbje dhe çfarë turpi”, e përmbyll numri një i Qeverisë shqiptare postimin.