Aleksandar Vuçiç do ta ketë shumicën në Kuvendin e Serbisë.
Duke deklaruar se lista e tij dhe e Dragan Gjilasit pësoi goditjet më të mëdha për shkak të konfliktit, se nuk ka aleat më të ngushtë sesa Aleanca minoritare e Hungarezëve të Vojvodinës dhe, së fundi, mos përmendja e partnerit të deritanishëm të koalicionit, Ivica Daçiqit, Vuçiç tregoi njëfarë zemërimi me SPS-në dhe hapi derën për një qeveri të re.
“Ajo që na pret është të përpiqemi të bëjmë shumë gjëra në periudhën e ardhshme, mësova se janë të rëndësishme veprat dhe rezultatet, ku nuk ishim mirë dhe ku dy lista kanë pësuar goditje të mëdha, ato janë lista jonë dhe lista e Dragan Gjilasit, ku për shkak të zënkave tona, të tjerët e përdorën dhe morën pikë të lehta”, tha Vuçiç.
Presidenti nuk foli për Daçiqin. Dhe kjo nuk është për t’u habitur: nëse projeksionet e tij janë të sakta, socialistët fituan 11 për qind të votave në zgjedhjet parlamentare, dhe kjo është më shumë sesa u dhanë analistët (disa i panë nën pragun elektoral) dhe më shumë se sa duket sesa ai synonte. Kjo do të thotë se SNS mund të formojë një qeveri me pakicat dhe se nuk do të ketë nevojë për votat e Daçiçit.
