Ziadin Sela thotë se regjistrimi i popullsisë në Maqedoninë e Veriut ka qenë pazar politik i LSDM-BDI.
”Fatkeqësisht këtë ne e parashikuam kur shtynë regjistrimin, përgjegjësit që e sollën në këtë situatë regjistrimin duhet të përgjigjen me emër dhe mbiemër, sepse këta janë mjeshtër ”makiavelist”, tha Sela.
Ai tha se ka informacione se të ”futurit” nuk ekzistojnë fare, por se kjo ishte marrëveshje mes LSDM-së dhe BDI-së, sepse ideja ka qenë shqiptarët të dalin ndër 30 për qind.
“Si dhe të ketë rritje e numrit të përgjithshëm ndërsa te numri rezident të ketë ulje. Këto pazare politike për ne janë të papranueshme ashtu si duhet të jenë për çdo shqiptar”, shtoi ai.
