Edhe në Shkodër është konfirmuar rasti i parë me gripin e shpendëve në zonën e Dajçit. Rasti është konfirmuar në një nga pulat e oborrit, e cila është asgjësuar dhe groposur së bashku me 70 pula qe kishte kjo familje. Gjithashtu është karantinuar zona deri në një distancë 10 km për dezinfektimin. Rastet më parë janë zbuluar Vlorë, Durrës, Korçë, Dibër dhe Lushnjë
“Kemi pasur një rast të dyshuar që u çua për analiza. Doli pozitiv. U tamponua zona. U morën të gjitha masat. Sot është gjithçka e izoluar.
Sot ishte edhe takimi për të paraprirë rastet e tilla. Gjej rastin të bëj thirrje që çdo rast i dyshuar të paraqitet te mjeku veteriner për të bërë analizat dhe për të marrë masat e duhura. Janë 70 krerë pozitivë”, tha Angoni.
