Kryeministri Rama dha detaje në Opinion për nismën e legalizimit të kanabisit. Ai u shpreh se në Shqipëri do të legalizizohet kultivimi vetëm për arsye mjekësore dhe jo për përdorim vetjak.
Rama theksoi se kjo do të sjellë ngritjen e një industrie të re në vendin tonë.
“Ka dy elementë. Shumë vende i kanë përfshirë të dyja, dhe ka vende që kanë vetëm një element. Një është përdorimi vetjak. Nuk përbën shkelje nëse e ke për përdorim vetjak dhe elementi tjetër është legalizimi i përdorimit të kanabisit për arsye mjekësore. Në rastin tonë nuk është përdorimi vetjak, por vetëm për arsye mjekësore. Do të ngrihet një industri e re me kushte shumë strikte, me videosurvejim”, tha Rama.
