Një rrugë në New York mban emrin e diplomatit dhe përkthyesit shqiptar, Fan Noli. Nëpërmjet një ceremonie të organizuar nga komuniteti ortodoks shqiptar atje i është vendosur emri i Fan Nolit rrugës së Bronx.
Lajmin e ka bërë të ditur Gazeta Diell me anë të një postimi në Facebook, ku ka vlerësuar kontributin e tij në përkthimin e veprave fetare, si dhe vepra të letërsisë apo kontributin e tij për themelimin e Gazetës Vatra.
“At Fan Noli përktheu në shqip shërbesat e Kishës Ortodokse, përktheu kryevepra të letërsisë botërore, shkroi poezi politike, ishte klerik, themelues i Kishës Ortodokse Shqiptare në SHBA, deputet dhe Kryeministër i Shqipërisë në të njëjtën kohë, drejtues i Diellit e themelues i Vatrës, një figurë e padiskutueshme poliedrike e kombit shqiptar,” është shkruar në postim.