Sekretari i Përgjithshëm i PD-së, Gazmend Bardhi është shprehur në lidhje me sanksionet e vendosura sot nga SHBA ndaj ish deputetit socialist, Aqif Rakipi.
Nëpërmjet një postimi në Facebook, Bardhi ka akuzuar po ashtu si Basha, Rakipin për vjedhjen e votave të 25 prillit, si dhe po ashtu ai ka kërkuar mbështetjen e SHBA-ve për pastrimin e politikës shqiptare.
Për herë të parë SHBA shprehet qartë se krimi i organizuar ka ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar. Zgjedhjet e Prillit 2021, veçanërisht në Elbasan, e provuan këtë dhe përfituesi i drejtpërdrejtë dhe arkitekti i kësaj skeme ishte dhe mbetet Edi Rama. Evidentimi me emër dhe mbiemër nga SHBA i politikanëve të lidhur me krimin e organizuar dhe të korruptuar është një standard që meriton respekt dhe duhet të vijojë. Vetëm me mbështetjen e SHBA mund të pastrohet politika shqiptare dhe qeverisja t’ju kthehet njerëzve.
