“5pyetjet.al” ka siguruar pamjet e para nga vendi i ngjarjes ku u ekzekutua me armë zjarri Nazmi Bandulla mëngjesin e sotëm në lagjen “Rus” në Shkodër.
55-vjeçari ishte ulur në një lokal pranë shtëpisë kur u qëllua për vdekje me armë zjarri. Në vendin e ngjarjes duken njollat e gjakut.
Breshëria e plumbave nuk i dha asnjë shans shënjestrës duke humbur jetën në vend.
Bandulla ishte një emër i njohur për drejtësinë, pasi në 2020 i ishte vendosur eksploziv në makinë, por edhe ishte arrestuar pas një sherri me vëllanë për cështje pronësie.
