Kryeministri Albin Kurti dhe ministri i Financave, Hekuran Murati, të hënën njoftuan për masat e reja të Qeverisë për të ndihmuar qytetarëve.
Ata bënë të ditur se disa kategorive do i jepet nga 100 euro shtesë në muajin prill.
Sot, pritet që pensionistëve t’iu shpërndahen këto fonde.
“Sa i përket pensionistëve, shtesat do të merret në datat që u dalin pensionet. Por besoj se është këtë të premte. Nëse arrihet të bëhen të gjitha kalkulimet, por më së largu të hënën tjetër”, tha Murati para disa dite në një emision.
Ai ka treguar se punonjësit e sektorit publik do t’i marrin shtesat në fund të muajit.
“Sektori publik do të dalin në fund të muajit pasi i kemi të dhënat. Pra edhe pagat e sektorit publik do të jenë me këtë shtesë”, shtoi ai.
