Një 23-vjeçare i është drejtuar policisë së Tiranës, pasi bashkëshorti i saj është larguar nga banesa dhe nuk është kthyer më.
39-vjeçari është larguar nga banesa dhe familjarët e tij nuk kanë asnjë informacion në lidhje me vendndodhjen e tij.
Njoftimi i plotë i policisë
Vihen në pranga 3 shtetas, për vepra të ndryshme penale. Specialistët për Hetimin e Krimeve në Komisariatin e Policisë Nr. 2 bënë arrestimin në flagrancë të shtetasit M. K., 32 vjeç, banues në Tiranë, pasi dyshohet se ka vjedhur në objektin në pronësi të shtetases Sh. Sh., 62 vjeçe.
Specialistët për Hetimin e Krimeve në Komisariatin e Policisë Nr. 3 bënë ndalimin e shtetasit P. R., 20 vjeç, banues në Tiranë, pasi dyshohet se ka vjedhur biçikletën në pronësi të shtetasit B. I.
Specialistët e Qarkullimit Rrugor bënë arrestimin në flagrancë të shtetasit L. Sh., 23 vjeç, pasi u kap duke drejtuar mjetin e tij, në gjendje të dehur.
—–
Më datë 16.04.2022, shtetasja Z. E., 23 vjeçe, ka kallëzuar se është larguar nga banesa dhe nuk është kthyer më, bashkëshorti, shtetasi N. E., 39 vjeç. Punohet për gjetjen e tij.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
